Jun raxinäq k'amaya'l nrajo' chi niqato'

Pa Mozilla, niqatz'ët ri K'amaya'l achi'el ri nimaläj komonel qatob'äl chi jun ri ruwach'ulew. Toq yalan raxinäq janila yojruto' qonojel. Qonojel yojtikïr yojok chuwäch chi ri K'amaya'l jantape' jaqäl, jikïl chuqa' okel.

Tach'ojij ri ach'ojib'al chi rij ichinanem

Ichinanem man nuq'ajuj ta chi k'o nawewaj. Nuq'ajuj chi k'o pan aq'a' richin nacha' achike ri netaman akuchi yab'e chuqa' achike nab'än. Pa Mozilla yeqasüj taq samajib'äl chuqa' yojsamäj chi kij taq na'ojil yekikamelaj ri k'utwachib'äl chuqa' ri taq kitzij winaqi' pa K'amaya'l.

Tawila' ri jaqäl tz'ukuj

Konojel okel chi ke richin nikitz'ük chuqa' nikijunamaj ki' pa k'amab'ey, akuchi' man nikik'utuj ta q'ij. Kik'in jaqäl taq chojmilal chupa ri taqane qatzij, yeqatz'ük taq samaj richin chi ri winaqi' kenuk'un pa molaj rik'in taq kina'ojib'al chuqa' komonin taq b'itz'ib'.

Kato'on chi ri Ajk'amaya'l tapon pa kiq'a' k'ïy winaqi'

Toq xa e ka'i' oxi' taq moloj chuqa' taq chanpomal yesamajin kichin konojel ri rupam chuqa' ri okem pa k'amab'ey, ri ütz kitaluxik taq na'ojb'äl chuqa' taq etamab'äl nikiq'ät ki'. Niqach'ojij chi ri k'amaya'l tik'oje' pa ruq'a' ri tinamït.

Tiya' kik'ojlem konojel

Ri rutzil K'amaya'l jun retal ri kik'iyirinem winaqi' ri yetikïr ye'ok chuqa' nikito'. xeqatz'ük taq nuk'samaj richin na'ob'äl, taq na'ojil chuqa' akuchi' napon, ri nikiya' ütz kipetik konojel ri winaqi' pa k'amab'ey, akuchi' man nitz'et ta ri rub'anikil, ri ruch'akoj, rutinamit o rub'eyal.

Tetamäx chuqa' tik'ut ri Ajk'amaya'l

Konojel k'o chi yetikïr nikisik'ij, nikitz'ib'aj chuqa' yeto'on pa ri kematz'ib'il ruwach'ulew. Mozilla yerusüj taq nuk'samaj pa ruwi' na'ob'äl chuqa' tijonïk, akuchi' nijote' awetamab'al pa k'amab'ey — richin ye'apon näj chuwäch ri rokisaxik chuqa' yeto'on rik'in ruk'aslem k'amaya'l ri chwa'q kab'ij.

Tanik'oj ri
Rutzijol Raxnaqil Ruk'amaya'l Mozilla

Tasik'ij ri tajin nito'on (o ri tajin nitz'ilon) ri komonin nïm chi tob'äl pa ruwach'ulew.

Ke'atz'eta' ri taq k'ayewal

Ke'asik'in ri ruk'isib'äl taq kitzijol ri richinya'l Mozilla pa K'amaya'l Citizen.