Attenziun, pront, Sync
Ti es t'annunzià e pront dad acceder tes Firefox dapertut ed adina.
Prenda il web cun tai
Sincronisescha Firefox dapertut nua che ti dovras access a tes segnapaginas, tes pleds-clav, tes tabs e dapli - da mintga telefonin, tablet u computer.
I para che ti utiliseschas ina versiun veglia da Firefox.
La nova versiun da Sync funcziunescha be cun la pli nova versiun da Firefox
Sync è mo ina da las funcziuns magnificas che ti survegns be cun Firefox.
Cumenza ad utilisar Sync cun quatter simpels pass:
- Avra il menu sura a dretga da Firefox e tscherna “S'annunziar tar Sync”.
- Clicca sin “Cumenzar” en il tab che s'avra.
- Endatescha ina adressa dad e-mail ed in pled-clav per “Crear in conto da Firefox”.
- Clicca sin “Enavant” per retschaiver in e-mail da verificaziun.
Suenter che ti has legì l'e-mail e cliccà sin la colliaziun da verificaziun è tut pront! Firefox vegn lura a sincronisar automaticamain.
Endrizzar Sync en tschintg simpels pass:
- Smatgar sin il buttun da menu (u sut il visur u en il chantun sura a dretga en il navigatur).
- Tscherna Preferenzas (ti stos forsa smatgar l'emprim sin Dapli).
- Smatgar sin Sync e lura sin Cumenzar.
- La pagina per Crear in nov conto da Firefox s'avra en in nov tab.
- Emplenescha il formular e clicca sin Enavant.
Suenter che ti has legì tes e-mails e cliccà sin la colliaziun da verificaziun è tut pront! N'emblida betg da colliar tut ils auters apparats per far diever da tut ils avantatgs da Sync.
Sincronisar pauc.
Sincronisar bler.
Ti tschernas tge parts da Firefox che ti vuls sincronisar e cun tge che ti las vuls sincronisar. Prenda tes tabs averts sin tia via a la lavur. Acceda tes segnapaginas durant la lavur. Tge ch'i saja, cura ch'i saja, nua ch'i saja.
A chasa
Mida da tes pult sin il canapé senza interrupziuns. Acceda tes tabs averts sin tes telefonin u navighescha tras tes segnapaginas gest sin tes tablet.
A la lavur
Resta connectà a tut tias infurmaziuns impurtantas. Sincroniseschas pleds-clav e segnapaginas che ti pudessas duvrar per adina avair l'access. Uschia sco Firefox è - uschè segir sco pussaivel.
En viadi
Legia tias paginas preferidas u l'istorgia che ti has cumenzà a chasa - tuttina nua che ti vas. I n'è mai stà pli simpel che cun Sync.
Prenda Firefox cun tai
