Buannaich tiogaidean gus A Mòrachd A’ Bhanrigh fhaicinn a’ dèanamh òraid aig 20mh cuimhneachan na Pàrlamaid

12.06.2019

Gheibh deichnear den phoball na suidheachain as fheàrr a dh’fhaicinn  A Mòrachd A’ Bhanrigh a’ dèanamh òraid do Phàrlamaid na h-Alba air Disathairne 29 Ògmhios.

Bidh grunn thaisbeanaidhean ann bho cuid den luchd-cluiche as fheàrr an Alba agus bidh ceannardan gach pàrtaidh poilitigich an làthair airson cuimhneachan 20 bliadhna Phàrlamaid na h-Alba a chumail. 

Bheir na tiogaidean cothrom gun samhail do mhuinntir a’ phobaill pàirt a ghabhail anns an Deas-ghnàth Cuimhneachaidh 20 Bliadhna nan suidhe ann an gaileiridh a’ phobaill ann an Seòmar Deasbaid na Pàrlamaid.  

Thèid grunn thachartasan a chumail air a latha: 

* Nì A Mòrachd A’ Bhanrigh òraid do na BPAan san t-Seòmar.

* Nithear grunn thaisbeanaidhean is òraidean anns an t-Seòmar, a’ gabhail a-steach òraid bho Phrìomh Mhinistear na h-Alba.

* Feasgar làn thachartasan spòrsail don teaghlach gu lèir gus 20 bliadhna den Phàrlamaid a chomharradh.  Bidh ceòl beò ann, biadh blasta, peantadh aodainn, bùithtean-obrach airson ròbotan a dhèanamh, agus iomadh rud eile!  

Tha àireamh chuingealaichte de thiogaidean ann don phoball airson an tachartais seo – a tha fosgailte do na h-uile air feadh na h-Alba.   

Tha grunn dòighean ann cur a-steach airson tiogaid. Gheibhear tuilleadh fiosrachaidh air làrach-lìn Phàrlamaid na h-Alba.

Feumar tagradh thiogaidean a bhith a-staigh againn air no ro 12 meadhan-latha air Diluain 17 Ògmhios. 

Cùl-fhiosrachadh

Faodaidh tu cur a-steach airson tiogaidean air post-d no le tadhal air làrach-lìn Phàrlamaid na h-Alba. No faodar sgrìobhadh thugainn aig: 

Baileat Poblach Cuimhneachan 20 Bliadhna 

Seirbheisean Luchd-tadhail
Pàrlamaid na h-Alba
Dùn Èideann
EH99 1SP 

Faodaidh tu fios a chur air an Sgioba Sheirbheisean Luchd-tadhail air fòn air 0131 348 5200.  

Faodaidh tu cur a-steach airson aon tiogaid a-mhàin agus feumaidh tu na leanas innse: 

* Tiotal (Mgr, A’ Bh-Uas, Dr, msaa) 

* Ciad-ainm agus ainmean meadhain sam bith 
* Sloinneadh
* Ainmean sam bith eile a chleachdas tu
* Latha-breith
* Àite-breith

* Seòladh (Thar 5 bliadhna, le cinn-latha)
* Post-d. 

Tha am baileat airson tiogaid gach duine.  Ma tha thu ag iarraidh tiogaid eile dha cèile, cuir tagradh eile a-steach nan ainm. Feumaidh tagraidhean fhaighinn thugainn air no ro meadhan-latha air Diluain 17 Ògmhios.  Thèid tiogaidean a thaghadh ann an crannchur.  Gheibh an luchd-tagraidh soirbheachail fios air no ro Diluain 21 Ògmhios aig a’ char as fhaide agus gheibh iad fiosrachadh mionaideach mun tachartas.